李连杰魔教教主国语版,最新版倚天屠龙记

2022年刚刚开始

新的《倚天屠龙记》已到货，

仲要一嚟就打孖上！

日前导演王晶发文日透露

影版《倚天屠龙记》最新进展，

宣布《倚天屠龙记之九阳神功》

和《倚天屠龙记之圣火雄风》

将在2022年初和大家见面。

据闻呢两部係1993年上映嘅

《倚天屠龙记之魔教教主》的续集，

共同组成王晶版

《倚天屠龙记》电影三部曲。

虽然“魔教教主”当年票房惨淡，

但呢一部嘅人物选角堪称一绝！

就算你冇完整睇过原片，

张敏、邱淑贞和黎姿演绎嘅

郡主回眸、小昭转身、芷若揭面

三大美人名场面已经足够惊艳。

撇开美人不谈，

李连杰、洪金宝等贡献嘅

打戏干净利落有力量。

颠覆性嘅恶搞改编，

虽然到今日依然有弹有赞，

但无可否认，

呢一版为《倚天屠龙记》影视化

添上最浓墨重彩的一笔。

而且《倚天屠龙记》

和其他金庸武侠经典一样，

本身就係影视化翻拍常客，

上个世纪70年代已经有郑少秋、

汪明荃、赵雅芝主演嘅剧版，

现今睇来制作有啲粗糙，

但该版本当年赚足口碑，

仲曾获得金庸先生题字称赞。

同一时期仲有尔冬升、

井莉、余安安主演嘅影版，

係少数根据最早期原著拍摄嘅，

和现时大家熟知嘅版本有所出入。

80年代有梁朝伟、黎美娴、

邓萃雯主演嘅剧版，

据闻係最忠于原著嘅版本。

90年代除咗有上面介绍过嘅

王晶导演嘅影版，

仲有马景涛、叶童、周海媚

主演嘅台版剧集口碑也不俗。

当然，相信更为大家熟知

都係数2001年吴启华、黎姿、

佘诗曼主演嘅港版剧集。

以及2003年苏有朋、贾静雯、

高圆圆主演嘅呢两部童年经典！

再往后，2009年嘅邓超版，

同2019年嘅曾舜晞版

虽然被珠玉在前嘅众多佳作

比较之下光芒黯淡，

但由于年代较近，

都係唔少观众嘅青春回忆。

所以，又好难怪时隔廿几年后，

王晶导演仲记住要拍续集嘅。

2019年，佢通过微博

宣布新版《倚天屠龙记》开拍，

一句“张无忌终于要去大都找赵敏了”，

让无数观众破防。

之后公布嘅演员阵容，

无论主演定配角都十分豪华，

不过争议声随之以来。

首先係张无忌嘅扮演者林峯，

本身年纪就唔细啦，

加上泡面卷毛+沧桑妆容，

成功击败当年嘅吴启华版，

获封“最老张无忌”。

王晶导演仲专程发文

回应选角争议，力撑林峯，

强调佢“感觉只是三十出头”，

而且戏中出场角色已愈30，

盛赞佢係“香港演技派男星”。

不过最新发布嘅剧照，

置景同道具都令人大呼不妙，

呢个画风有冇令你谂起

“是兄弟就来砍我…”

所以古天乐嘅出现都唔难理解了，

只不过係兄弟终成父子，

反正当年《寻秦记》都演过师徒，

辈分上又唔係差太多嘅~

but古仔头发嗰look染下色

同金毛狮王都有几分相似咯。

而呢版赵敏由文咏珊饰演，

周芷若由邱意浓饰演，

小昭嘅扮演者在卖咗成年关子后，

终于在日前官宣由

内地新人演员云千千担任，

她亦係近年受到王晶力捧嘅“晶女郎”。

但係斋睇剧照，

你分得清边个係赵敏、

边个係周芷若吗？

配角方面，熟人唔少，

不过呢啲定妆look，

都唔知话前卫定离谱，

反而华山二老田启文嘅

造型竟然最正常，

话嗮第一部已经见过。

翻拍一定出烂片？

唔一定嘎！

从70年代到千禧年后，

一代有一代嘅经典，

你吐槽嚟佢赞赏、各花入各眼。

既然选择翻拍经典，

就预咗会被比较，

想要在众多佳作中脱颖而出，

唯有用百分之二百嘅

高质量同心思冧掂观众啦！

你最中意边部《倚天屠龙记》？

你对新《倚天屠龙记》有乜睇法？

欢迎留言同我哋分享吖~

MORE

今日娱乐看点

张智霖“派狗粮”

不用吃都被喂饱！

张智霖给袁咏仪

点咗一杯紫薯芋泥外卖，

用谐音梗向靓靓示爱“只属于你”，

真的很甜腻了！

《冰雪正当燃》定档

全国首档俱乐部式冰雪达人

竞技成长节目《冰雪正当燃》

官宣定档1月7日，

李晨、吴奇隆、吴尊、姜潮、

主持人脸脸等和多位冰雪达人

激情玩趣冰雪！

沈腾贾玲加盟喜剧总决赛

《一年一度喜剧大赛》

将于本周五上演毕业大戏，

沈腾、贾玲将会惊喜加盟！

戏剧界大咖云集

想来当晚一定笑弹不断！

资料来源：剧照、微博、豆瓣

网络综合整理

编辑：陈祉伶

*文中图片版权归原作者所有，

如涉及侵权请联系，立即删除

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。